ਨੰਗਲ ਪਿੰਡ ਵਿੱਚ ਪਾਥ ਆਫ਼ ਜਸਟਿਸ ਸੋਸਾਇਟੀ ਪੰਜਾਬ ਰਜਿਸਟ੍ਰਡ ਦੇ ਸਹਿਯੋਗ ਨਾਲ ਇਕ ਲੋਕ-ਭਲਾਈ ਕੈਂਪ ਲਗਾਇਆ ਗਿਆ। ਇਸ ਕੈਂਪ ਵਿੱਚ ਫਿਲੌਰ ਅਤੇ ਨੰਗਲ ਨਾਲ ਲੱਗਦੇ ਪਿੰਡਾਂ ਦੇ ਵਸਨੀਕਾਂ ਨੇ ਵੱਡੀ ਗਿਣਤੀ ਵਿੱਚ ਹਾਜ਼ਰੀ ਲਗਾ ਕੇ ਇਸ ਕੈਂਪ ਦਾ ਪੂਰਾ ਲਾਭ ਉਠਾਇਆ।
ਇਹ ਕੈਂਪ ਪਾਥ ਆਫ਼ ਜਸਟਿਸ ਸੋਸਾਇਟੀ ਪੰਜਾਬ ਰਜਿਸਟ੍ਰਡ ਦੇ ਚੇਅਰਮੈਨ ਸ਼੍ਰੀ ਪ੍ਰਿਕਸ਼ਿਤ ਆਹਲੂਵਾਲੀਆ ਜੀ ਦੀ ਪਹਲ ਅਤੇ ਦਿਸ਼ਾ-ਨਿਰਦੇਸ਼ ’ਤੇ ਲਗਾਇਆ ਗਿਆ। ਕੈਂਪ ਦੀ ਵੇਖ-ਰੇਖ ਸੰਸਥਾ ਵੱਲੋਂ ਨਿਯੁਕਤ ਇੰਚਾਰਜ ਸ਼੍ਰੀ ਜੋਤੀ ਰਾਮ ਨੇ ਕੀਤੀ। ਕੈਂਪ ਦੇ ਦੌਰਾਨ ਪਿੰਡ ਵਾਸੀਆਂ ਨੂੰ ਆਧਾਰ ਕਾਰਡ, ਪੈਨਸ਼ਨ, ਜਨਮ ਪ੍ਰਮਾਣ–ਪੱਤਰ ਅਤੇ ਹੋਰ ਮਹੱਤਵਪੂਰਨ ਸਰਕਾਰੀ ਸਹੂਲਤਾਂ ਬਾਰੇ ਜਾਣਕਾਰੀ ਅਤੇ ਮਦਦ ਮੁਹੱਈਆ ਕਰਵਾਈ ਗਈ।
ਇਸ ਮੌਕੇ ਇੰਚਾਰਜ ਜੋਤੀ ਰਾਮ, ਸ਼ੋਭਾ ਰਾਣੀ, ਸੁਰਜੀਤ ਬਿੱਟੂ, ਡਾ. ਅਸ਼ਵਨੀ ਕੁਮਾਰ (ਆਸ਼ੂ), ਲੋਕ ਇਨਸਾਫ ਮੰਚ ਵੱਲੋਂ ਪ੍ਰਧਾਨ ਜਰਨੈਲ ਢਿੱਲੋਂ, ਪਰਸ਼ੋਤਮ, ਹੰਸਰਾਜ ਅਤੇ ਹੋਰ ਸਨਮਾਨਿਤ ਹਸਤੀਆਂ ਮੌਜੂਦ ਸਨ।
